廣島沾麵本舖爆彈屋 Bakudan-ya Hiroshima-men

陳金:

沾麵店開很多, 今日來銅鑼灣呢間試試.

據講係日本已經有20幾間分店, 香港暫時得呢間, 出名食「辣」,我點會唔試試.

點左一個「廣島麵」, 先試試150倍辣道(辣道有0-200倍).

食左兩啖…唔對路….點解真係一D辣味都無…?試試叫店員加到200倍…加完…係無任何分別…

照呢種程度相信我食可以食20,000倍….

據講食到200倍以上會俾個牌仔你寫幾句留念, 我食完又唔見有人俾我喎….諗住見間店幾得意想玩下留個念都唔得.

講返食物:

麵條:我不覺得好吃, 不爽, 不曲, 據說是日本運過來的?我在日本隨便走入任何一間拉麵店的麵質都比他好, 有待改善吧.

滷水糖心蛋:糖心是有的, 但整體都味很淡, 滷汁的香也吃不到….

叉燒:原本是2片,追加4片才加$15,不貴, 可惜是叉燒本身味道很淡, 沒有肉的香, 也沒有微煎過的香….我見過日本師傅親手做叉燒, 知道製作不容易…但沒味如此的….不知如何製作….

我會去多次試下是否溝通出錯所以唔辣, 試下食300-400-500-600….睇下冇冇得玩下留個念, 如果又係唔辣或者玩下留個念都冇嘅, 就可能未必再光顧了…. 

店名:廣島沾麵本舖爆彈屋 Bakudan-ya Hiroshima-men

地址:銅鑼灣駱克道453號地下

電話:2891 1530

一鍋 – 台日式精緻小火鍋專門店 iPot – The Shabu Shabu Expert

陳金:

  香港都冇乜邊個唔中意打邊爐, 火鍋店成行成市, 不過台灣式一人一煱係香港都唔係好多,今日專程來試試.

 

  先講店面的感覺, 很清潔很企理, 放食物的地方也放得很整齊, 放雪藏食物的盤子沒有剩水, 食物上也沒有霜,單是這點已經對食客很尊重(對自己的店也很尊重), 不是隨便給你一堆食物任食食個飽就算.

放蔬菜的一面也很骨子, 而且很新鮮,亦洗得很乾淨.

 

  點了一個「龍蝦海鮮二人餐」, 選了小羊捲和雞肉, 還有龍蝦一隻,廣島蠔2隻,帶子2隻,啤酒,雪糕都有,才$668, 價錢OK.

 

 

  海鮮:龍蝦的質素一般, 新鮮是新鮮的,不過熟了之後肉是散的,沒咬勁.廣島蠔和帶子則很好, 都是又新鮮又甜, 不錯.

 

 

  肉:小羊捲跟雞肉都好吃, 羊薄薄的,很有羊肉的香味, 肉質很好,給你的份量也很足夠, 是店子的大方吧.

 

 

  湯底:我點的是麻辣, 好味道呀, 我喜歡辣, 這個辣味不錯, 可惜不夠麻, 不夠麻吃肉不夠好玩過引, 再麻一點我會更喜歡.

 

 

  蔬菜:選擇很多, 小棠菜,波菜,皇帝菜,娃娃菜…都有!而且全部都好新鮮, 翠翠綠綠的, 我最欣賞火煱店提供好的菜蔬! 菜蔬可不是配菜呀!!

 

 

  醬料:很好, 胡椒,蒜,辣椒乾辣椒粉,麻油,醬油,芝麻,蔥花都有! 當然最重要是有醋!黑白都有, 還有甜醋!吃麻辣煱最好甚麼都不點, 點少少醋就好!

 

 

  飲品/甜品: 我沒有喝過台灣啤酒(基本上都少喝), 不過這個鳳梨味道的超好喝,亦是餐包括的就試試, 鳳梨味很重很香, 沒有啤酒的苦, 喝過也沒有肚子漲著的感覺, 不錯.最後雪糕是HAAGEN DAZS的, GOOD.

 

 

  很好呀, 店員也很有禮, 值得再去的台式火鍋店.

 

 

店名:一鍋 – 台日式精緻小火鍋專門店 iPot – The Shabu Shabu Expert

地址:天后琉璃街11號地下

電話: 2111 1241

榮式燒雞扒 Wing’s Catering

陳金:

銅鑼灣平靚正選擇, 附近住/返工嘅應該都識.

榮式雞扒:好香, 味道好濃厚, 醬汁係秘方吧?會吃上癮. 不過太咸, 而且味精香料等等好重手吧? 好吃但吃過之後會很口渴.

藕餅: 藕餅先係我覺得呢度最出色嘅食物, 肉打得好彈牙, 蓮藕是爽的, 章魚也香, 不過都係一樣覺得咸左D, 可以淡小小就PERFECT!!

店名:榮式燒雞扒 Wing’s Catering

地址:銅鑼灣加路連山道13號禮加大樓地下

電話:2882 6834

避風塘興記

陳金:

今日同ADAM兩個人去左輿記,靜靜地.

好多人都話去到興記「冇招呼,黑口黑面」,可能我有食神啦, 唔係同佢地特別熟但每次都好好招呼.

薑蔥炒蟹:

來得食避風塘嘢, 一定要食炒蟹, 呢度嘅炒蟹我覺得已經係去到「冇咩好挑剔」嘅LEVEL, 蟹是揀手靚蟹,肥大,肉厚, 膏係可以挾來食嘅, 食肉蟹要「夠件頭」!蟹件有油泡過, 吃起來邊位油泡地方係香脆,裡面就啖啖肉,肉質豐實,滑又軟, 滲入少少薑蔥香味, 好味得緊.

六小福拼盤:

我為食,白灼我次次都叫拼盤,哈哈,咁就乜都有!拼盤即係海蜇,粉腸,豬脷,豬肚,水魷,菜(今次係韮菜花).

海蜇好爽好大片,水魷又挺身又爽,粉腸,豬肚,豬脷, 我覺得係「同一類」嘅食物, 處理得好乾淨, 吃起上來冇「異味」, 根本就係好嘅材料,簡單白灼加醬油已經好香好好味, 菜亦係新鮮的嫩的, 同ADAM兩個人食其實分量好多, 不過都食晒,哈哈!

豬什湯瀨:

實而不華嘅一碗粉, 豬什係新鮮又處理得好, 瀨粉個麵底亦係好貨, 加上清香嘅上湯, 味道好得來又平實.

好多人話佢收得唔平, 咁話時話人地又冇話過賣點係平喎其實,哈哈!

對我來講, 食物質素最緊要.

店名:避風塘興記

地址:尖沙咀彌敦道180號寶華商業大廈1樓

電話:2722 0022

Hebe one o one

陳金:

白沙灣附近幾間餐廳一向係我開餐熱點地域.

一來泊車方便,二來食飽飽可以行落碼頭吹下風.

今日忽然想食下薯條, 就去呢度…其實同一個位置, 名已經轉左好多次, 菜式亦有唔同, 以前出名食燒豬手,好似叫POSEIDON ?唔記得了.

而家嘅HEBE, 據講大廚都係出身大酒店, 不過來到唔好EXPECT食D乜嘢特別珍貴悕有豪華菜式.來西貢嘛, ENJOY下郊區氣氛, 簡單來個FISH AND CHIPS, 已經可以係一個RELAX嘅WEEKENDS了!

LOBSTER:

STARTER, 都有成隻LOBSTER, 先係$148,價錢OK, 肉質亦唔錯. 個汁係咩呢?食唔出, 不過少少酸, 幾好味. 配上小蕃茄, 都係酸酸地, 幾FRESH!

CRAB CAKE:

呢度嘅CRAB CAKE一向唔錯, 外面脆卜卜, 裡面熱喇喇. 不過我覺得蟹嘅味道唔夠, 個FILLING如果唔特別留意係唔知道係CRAB CAKE, 比 例重D一定更好味.

BURGER:

點左個CHICKEN FILLET, 薯條就一向都整得好好味, 又厚又炸得香, YUMMY! 可惜個BURGER就麻麻, 件FILLET好乾好硬, 似TURKEY唔似雞肉, BURGER片麵包都一樣係比較乾同硬, 我覺得唔合格, 下次點返FISH AND CHIPS好D.

又一個RELAX SUNDAY了,YEAH!

店名:Hebe one o one

地址:西貢白沙灣112號

電話:2335 5515

洪記士多

陳金:

間中我都會去石澳行下食下嘢, 果度有唔少好休閒嘅小餐廳,好舒服.

不過,你又知唔知其實有間粉麵店係裡面呢?

就係大路入口行幾步,今日同ADAM來行下, 忽然想坐路邊食碗粉就來左呢度.

我知道呢度出名燒鵝不過我唔太食鵝就冇點.

雞翼墨丸瀨粉:雞翼同墨丸OK, 我最中意食瀨粉,呢度嘅瀨粉都唔錯,反而幾LIKE個湯底,清湯加上燒鵝嘅肉汁, 幾香!!

豬肚/雞腎:滷水味較淡,而且太咸.

不過其實對類似小店不會要求很高, 都是「地區風味」,值得來感受下.

店名:洪記士多 

地址:石澳石澳村326號

電話:2809-2050

Ming’s

陳金:

本來以為天氣仲凍,點知同ADAM揸車入到來又有太陽又好天!

食完碗麵, 去到路口見天氣咁又飲杯咖啡.

MING’S就係正大路路口, 無記錯以前個位置係THAI FOOD??

 飲左杯LATTE, ICED CHOCOLATE, 又有D水準喎!幾香幾滑!

BBQ CHICKEN WING:好味道,個BBQ汁隻味好熟悉…又講唔出係咩牌子….估計有落茄汁同醋再煮,好酸,我啱我口味,LIKE!!

店名:Ming’s 

地址:石澳石澳村路

電話:-

山東餃子館

陳金:

原本想去附近搵一間想試嘅煲仔飯,點知冇開, 亂行撞左去試呢間餃子.

店面比較暗, 清潔程度也一般, 不過見都幾多人食, 就試下.

京蔥羊肉餃/西洋菜餃:叫得餃子館, 餃子當然要OK, 新鮮包嘅餃子同出門交貨嘅口味真係唔同,味道幾好,有「手工」感覺. 食餃子其實係「食皮」,呢度嘅餃子皮好有「咬勁」,LIKE!我本身中意食羊,亦中意羊肉的「蘇」味, 越「蘇」我越中意, 呢度嘅羊肉餃, 啱晒我口味,LIKE!

山東燒雞:山東燒雞叫「燒」, 其實都係涼拌, 先炸再蒸伴小黃瓜, 係一味我幾中意嘅食物.我中意呢度嘅山東燒雞好有「住家FEEL」,味道好夠, 食完一碟, 想食見幾舊,惹味!

幾得意, 行開會再來試下自家製的麵.

店名:山東餃子館

地址:長沙灣東京街40-42號E舖

電話:2387 3289

千口甘甜品屋

陳金:

來大坑整車, 等緊師傅整嘅時候坐低食個甜品.

千口甘?望多兩眼,咪即係「甜」LOL!哈哈,真搞鬼!

點左個芝麻湯丸椰皇盎:我冇諗過湯丸可以配椰皇, 講唔上非常夾,但基本上兩種東西的味道沒有抵觸, 有湯丸食,椰皇又清甜, 都唔錯!

見好似好多人都LIKE個心太軟,OK, 下次試試.

店名:千口甘甜品屋

地址:大坑施弼街4號

電話:5178 0010

Fiesta Fiesta

陳金:

中意去市場街呢邊食嘢, 因為泊車位置行兩步就到,方便.

第一次食呢間, 感覺門口幾得意就TRY TRY!.

湯:Mushroom soup, 我一向唔中意有濃烈罐頭湯FEEL嘅任何湯,唔LIKE,跟湯的麵包就幾好, 很軟,外邊又脆.

PIZZA: 整體很淡, 沒PIZZA個種「熱情」!樣子看起來OK, 吃上去一般.

素食包,配栗米片,SOUR CREAM,番茄沙沙: 呢個又幾好味, 裡面夾住嘅係芝士同蔬菜, 點CREAM同番茄沙沙一齊食, 唔錯.

P.S. 門口應該係店主隻狗仔洛威拿, 好乖坐左係到, 帶住個角同路人影相, 好得意!

店名:Fiesta Fiesta

地址:西貢市場街25號

電話:2791 6333/6299 8887